回南天，成日觉口寡寡，据闻吃D辣嘢可以祛湿气又醒神。丰show哥今次真係行过路过唔好错过，同班friend去北京路想揾辣嘢吃，行过府学西街即係天河城百货后门出嚟条路，呢道最近半年都开咗好多新餐厅。

马拉仔？餐厅名好盏*，到底吃咩菜呢？原来主打马拉菜，不过而家做紧火锅推广，冬阴功龙虎会同娘惹羊腩煲！丰show哥见到冬阴功龙虎会嘅传单满满一盘龙虾、虾、蟹、扇贝、青口、螺……睇落几吸引，XX团购先蚊一个套餐，足够四人份量。丰show哥觉得几抵就拉班friend去试一试！

团购套餐就包括主角冬阴功海鲜锅、马拉鱼滑1份（不过今次换咗墨鱼丸）、蔬菜（今次供应西洋菜）、*金腐皮1份、白饭4碗、薏米水或者柠檬茶任选4杯

全个冬阴功龙虎会套餐上台，丰show哥第一感觉，传单无呃人喔！套餐份量都好足，对得住价钱。主角海鲜锅卖相就好吸引，上台确实摆得好靓仔，满满一盘海鲜，好似日本涮涮锅摆好晒造型，服务员讲一滚起就吃得啦！

龙虾都算大只，肉质结实，几鲜甜，有啖啖肉嘅感觉。而老虎蟹有D惊喜，内里爆膏，吃落都甘香，肉就唔算多。另外仲有虾，吃起身真係弹肉，证明够新鲜。

丰show哥比较钟意吃翡翠螺，贪够爽脆，如果再大粒D，螺肉厚身D就更加正。其它扇贝、青口、鲍鱼size都几大，浸一阵都唔会话缩晒水。呢个锅大大话都有好多海鲜品种，大路陪衬货仲有白贝、鱿鱼、花蚧、蟹柳，最抵赞成个锅D海鲜都好新鲜。

差D忘记今次嘅锅底添，虽然冬阴功但唔会好辣，应该师傅有专门迎合广东人口味调配过，但係味道都几正宗，酸酸辣辣配海鲜好夹，仲可以诱发出海鲜嘅鲜味出嚟。

锅底仲有一样几特别嘅搭配—乌冬，索晒海鲜同冬阴功味道，好入味。吃完海鲜，就可以加菜同*金腐皮，*金腐皮炸得好透，滚几下就吃得，好好吃。最后要讲讲饮品薏米水，甜味适中，值得一提椰香味特别香，同冬阴功中和返，所以无觉太辣。

呢个套餐，四个人可以吃得几饱，而且几满足，有特色，食材鲜，下次可以再试一试娘惹羊腩煲！丰show哥今次顾住吃，无影好多相添！！！

好吃嘅嘢丰show哥一定要去探一探，刚好老细兼大厨王先喺旁边开饭，丰show哥当然要八一下。

丰show哥：王老细，海鲜咁新鲜，吃落又五似大路货，其实係咩货？

王老细：我哋呢个餐真係真材实料嘎，海鲜食材大部分选用外国货，好似龙虾同老虎蟹是澳洲、虾是阿根廷、扇贝是夏威夷、青口是新西兰、翡翠螺是法国，其它就一定会买本地最新鲜靓货。

丰show哥：冬阴功汤底同海鲜几夹，不过呢个又唔太辣，仲几鲜喔！

王老细：汤底係用鲜鱼熬嘅，冬阴功汤嘅香料就一定用新鲜，味道就稍稍调返无泰国本地咁辣，适合广东人口味多D。

丰show哥：最钟意杯薏米水，椰香味好香，甜味适中，正！

王老细：识货喔！薏米水真係每日现煮，椰浆用马拉进口嘅，所以特别香。其实我哋宗旨真係要客人吃得放心，好似配料*金腐皮都坚持买新鲜腐竹当天炸，保证客人吃得放心，唔驶担心地沟油。

原来王老细咁有追求，係因为他从事餐饮已经几十年，做过五星级酒店大厨，去过大马打拼，所以对马拉菜特别有研究，仲不时创新，睇嚟下次丰show哥要去试一下特色马拉菜。

王生好大方，只要丰show哥介绍就送大家餐厅其中一款招牌菜。只要







































去哪里治白癜风好
广州白癜风医院